వనస్థలిపురంలో విషాదం...రోడ్డు ప్రమాదంలో గుర్తు తెలియని వ్యక్తి మృతి

నవదిశ,హయత్ నగర్: వనస్థలిపురంలోని ఓ వైన్స్ సమీపంలో రాత్రి రోడ్డు ప్రమాదం జరిగింది. ఈ ప్రమాదంలో గుర్తు తెలియని సుమారు 40-4 5ఏళ్ల మధ్య వయస్సు ఉన్న వ్యక్తి తీవ్ర ప్రమాదానికి గురయ్యాడు. స్థానికులు ఈ సమాచారాన్ని పోలీసులకు అందించారు. వెంటనే స్పందించిన పోలీసులు ఘటనా స్థలానికి చేరుకుని, అంబులెన్స్ లో బాధితుడిని చికిత్స నిమిత్తం ఉస్మానియా ఆసుపత్రికి తరలించారు. అయితే తీవ్ర గాయాలు అవ్వడంతో చికిత్స పొందుతూ పరిస్థితి విషమించి ఆ వ్యక్తి మరణించడం జరిగింది. ఈ ప్రమాదానికి కారణమైన ఆటో డ్రైవర్‌పై కేసు నమోదు చేసి దర్యాప్తు చేపట్టినట్లు సీఐ రవిబాబు తెలియజేశారు. మృతుడి కుటుంబ సభ్యులు లేదా ఆచూకీ తెలిసిన వారు 8712662300, 8712662637, 8712662277 నంబర్లను సంప్రదించాలని పోలీసులు కోరారు.