నవదిశ, తెలంగాణ బ్యూరో: తెలంగాణ ముఖ్యమంత్రి రేవంత్ రెడ్డిని మేఘాలయ ముఖ్యమంత్రి కాన్రాడ్ కె. సంగ్మా మర్యాదపూర్వకంగా కలిశారు. ఈ సందర్భంగా రెండు రాష్ట్రాల మధ్య పరస్పర సహకారం, అభివృద్ధి కార్యక్రమాలు, పరిపాలనా అనుభవాల మార్పిడి వంటి అంశాలపై చర్చ జరిగినట్లు సమాచారం. దేశవ్యాప్తంగా రాష్ట్రాల సమగ్ర అభివృద్ధికి పరస్పర సమన్వయం అవసరమని నాయకులు అభిప్రాయపడ్డారు.
మేఘాలయ ప్రతినిధి బృందానికి ముఖ్యమంత్రి రేవంత్ రెడ్డి తెలంగాణ ప్రభుత్వం చేపడుతున్న సంక్షేమ, అభివృద్ధి కార్యక్రమాలను వివరించారు. అలాగే మేఘాలయలో అమలవుతున్న పలు వినూత్న కార్యక్రమాలపై కూడా చర్చ జరిగినట్లు తెలుస్తోంది.
ఈ సందర్భంగా ఇరు రాష్ట్రాల మధ్య స్నేహపూర్వక సంబంధాలు మరింత బలోపేతం కావాలని నాయకులు ఆకాంక్షించారు. ఈ భేటీలో ముఖ్యమంత్రి సతీమణి మెహతాబ్ చండీ అగిటోక్ సంగ్మా, ఉప ముఖ్యమంత్రులు స్నియావ్భలాంగ్ ధర్, ప్రెస్టోన్ టిన్సాంగ్ కూడా హాజరయ్యారు.